Really? I mean really?

Tekið úr texta í auglýsingabæklingi frá BT :

"Skarpur og bjartur skjár með sérstakri glampavörn. Skjárinn er einn mikilvægasti hluti tölvunnar"

Hefurðu prófað að nota tölvu án skjás ? 

Gamlir vinir!

Stundum er það mikil ánægja að hitta gamla vini, og stundum er það ...tja, ekki gaman!

Ég rakst á nokkra gamla vini um daginn sem að ég hef ekki séð í langan tíma, og það kom mér ánægjulega á óvart hversu vel þeir hafa elst og hvað þeir eru ennþá fyndnir. Sumir gamlir vinir eru nefnilega ekkert fyndnir lengur.

En það var virkilega hressandi að sjá og heyra hvað þessir standa enn fyrir sínu. Það besta er, að þeir eru víst líklega vinir okkar allra! (eða flestra alla veganna)

Vinirnir sem að ég er að tala um eru Sam, Carla, Coach, Diane, Norm, Cliff, Woody og allir hinir í "Cheers" !

Það er nefnilega merkilegt með marga grínþætti, að þeir eldast ekkert rosalega vel. Friends hafa gert það, og Cheers hafa gert það. Af öðrum Ammirískum þáttum, er enginn sem að stekkur í huga minn sem eitthvað sem að ég myndi horfa á í dag.

Mæli með að þið nælið ykkur í þættina og njótið þessara þátta, á ný!

Máttur pressunar...

Ég hef oft velt því fyrir mér hvað fjölmiðlar geta sveigt almenningsálit eins og að þeim sýnist, og hvað almenningur  (þ.m.t. undirritaður) gerir lítið af því að draga í efa, eða einfaldlega spyrja sig hvort að upplýsingarnar séu réttar.

Einn undramáttur fjölmiðla er að "láta í lofti liggja" eða ýja að einhverju.

Ástæðan fyrir því að ég velti þessu fyrir mér er að nú vikunni sló Barry Bonds hjá San Fransisco Giants, 33 ára gamalt met Hank Aarons í "Heimahlaupi" (Home-run). Fyrir þá sem að ekki vita, er ég að tala um hafnabolta!

Það er engum blöðum um það að fletta að það að slá þetta met er ótrúlegur árangur hjá Bonds, enda metið búið að standa í 33 ár, og þar áður stóð fyrra met í 39 ár! Þannig að það er ekki von um að það verði slegið í bráð.

Hinsvegar...ljáist engum fjölmiðil að nefna það að hann hafi slegið metið undir "grun" um að hafa notað vaxtarhormóna, þar sem að þjálfarinn hans var bendlaður við fyrirtæki sem að framleiddi slíka. Að sjálfsögðu hefur þetta sett svartan blett á umræðuna, sérstaklega í ljósi þess að Barry Bonds hefur aldrei fallið á lyfjaprófi, né heldur hafa nokkrar sannanir komið fram á hendur honum!

Fjölmiðlar þar vestra (og hér heima) hafa m.ö.o. viðhaldið á lofti orðrómi um að hann "gæti verið" sekur, þótt að engar sannanir séu til staðar. Þar með er búið að dæma manninn fyrirfram, og auðtrúa greyin í Ammiríkunni, mæta með spjöld með nýðing um Bonds þegar að hann spilar á útivelli.

Sjálfur segir Bonds að hann hafi ekki áhuga á að svara þessum ásökunum og vilji einbeita sér að því að spila bolta. 

Þetta er skýrasta dæmið sem að ég man eftir um hvernig fjölmiðlar geta mótað almenningsálit, og hreinlega dæmt mann fyrirfram.

Er ekki spurning um að taka umfjöllun fjölmiðla með saltkorni ? 

Ekki mikið....

Í gær var ég að þröngva uppá ykkur hugleiðingum mínum um snobbið sem að fylgir því að kaupa sér falska samvisku með því að kolefnisjafna.

Fyrir Yaris-inn minn get ég kvitt og frítt keyrt sem hvítþveginn og fyrirmyndaborgari á kr 3266.-

Fyrir 1950.- á mánuði hinsvegar getur maður þetta:

http://jenfo.blog.is/blog/jenfo/entry/275690/

Hvort finnst ykkur göfugra ? Friða samviskuna, eða bjarga lífi barns ?

Eins og Bono er alltaf að tönglast á: Wake Up! 

Hugleiðingar um almenningssamgöngur...

Mikið hefur á undanförnum árum borið á "væli" um skort á almennilegum almenningssamgöngum á Höfuðborgarsvæðinu. Oftar en ekki hefur þessi umræða verið á því plani sem að kalla mætti "Gagnkvæmt Skítkast", þar sem að notendur gagnrýna kerfið fyrir að vera óþjált, tímafrekt, ótöðugt og dýrt. Strætó B/S og sveitastjórnungarskörungar hafa svo aftur á móti gagnrýnt borgaranna fyrir að nota það ekki meira. 

Það þarf ekkert að sýna lýðræðislega kjörnum lotnafulla virðingu og taka undir þeirra rök að kerfið sé gott og við ættum að nota það meira. Staðreyndin er einfaldlega sú að kerfi, infrastrúktur og verðlag Strætó er gamaldags, hallærislegt og einfaldlega hlægilegt!

Eitt far með strætó kostar í dag 280 kr. Albeit, algerlega óháð vegalengd.

Þessi upphæð verður hinsvegar ansi hlægileg þegar að litið er til þess að það kostar 280 kr að ferðast frá Hlemmi niður á Lækjartorg, og að sama skapi sama verð fyrir að ferðast frá Lækjartorgi upp á Akranes! 

Sökum vinnu minnar var ég á ferð í Hollandi. Holland er ekki stórt land, en þar búa víst 16 milljónir. Þar  er ansi gott lestarkerfi og nýtti ég mér það á ferð minni. Það kostaði mig um 450 kr íslenskar (€5) að ferðast um 50 km leið með lest! Svona eins og til Kebblabíkur. Svipuð ferð með rútu á íslandi ? 1200 spírur! Og það Íslenzkar!

Go figure! 

Tískuorð...

Nýjasta-nýtt í tískuorðaslettingum er að sjálfsögðu að "kolefnisjafna" , og þá er einna helst verið að tala um bílinn. Ekkert þykir fínna en að geta státað sig af því að vera búinn að "kolefnisjafna" gamla skrjóðinn eða fína jeppann.

Ég verð nú að viðurkenna að ég hef lúmskt gaman af þessu snobbi fyrir svona hugtökum þegar að þau því sem næst vaxa upp úr jörðinni eins og ilggresi. Skemmtilegra þykir mér að heyra fólk sletta þessu fyrir sig til að geta nú keypt sér skammvinna sæluvímu um að nú hafi viðkomandi lagst sitt af mörkum til að bjarga heiminum frá algerri glötun.

Litla Yaris beyglan mín losar um 2,3 tonn af koldrasli, og þarf því að troða niður 22 trjám til að núlla út rúntinn minn í vinnuna og tilbaka.

Ég verð nú að segja að ég hef ekki mikið vit á þessu, en ef rétt reynist, þá skil ég ekki alveg af hverju að við nýfæddu umhverfisfasistarnir sem að við teljum okkur vera með því að kolefnisjafna, skikkum ekki þessi stórmengandi stórfyrirtæki til að gera þetta ef að þeir vilja byggja hér álver ?

Duh...þetta hljómar svo einfalt! Kannski er þetta aðeins flóknara ? Hinsvegar er alveg ljóst, að það mætti sko alveg gróðursetja fleyri tré á Íslandi. Ekki alveg eins og að það sé svona svakalega skógi vaxið hér ?

Að sjálfsögðu myndi það kosta svona sjoppu eins og Alcan litlar 6-700 milljónir hið minnsta að kolefnisjafna árlega! Kannski ekki hvatinn til að byggja fleyri álver, þar sem að sparnaðurinn í orkukaupum myndi fljótt fjúka út um gluggann við þetta!

Hinsvegar...væri alveg hægt að taka svona eins 100 milljónir árlega frá hverjum af þessum 3 álverum sem að eru hér núna, og nota það til að planta trjám. Það myndi hressilega auka af trjám á Íslandi! Tja...svona eins um 5 milljón tré á ári í boði álsins! (Mínus 1-2 milljónir sem að rollurnar myndu éta!)

Það má ekki gleyma að framleiðsla orkunar til notkunar í álverum er í öllum tilvikum græn, ekki alveg það sama og gerist á bílnum þínum!

Í hnotskurn...það að hlaupa til og kolefnisjafna bílinn sinn, er ekki lausnin. Það er bara plástur á samviskuna svo að maður geti talað illa um alla hina! 

P.s. Ég er ekki búinn að kolefnisjafna Yaris-inn og tapa ekkert svefni yfir því! 

Vitlaus Gatnamót #3 & #4

Hér kemur tvöfaldur skammtur af umferðarpirringi mínum! Ástæðan fyrir því að hann er tvöfaldur er vegna þess að þessi 2 gatnamót eru einungis um ca 300m frá hvort öðru og eru hálfpartinn spegilmynd af hvor öðru!

Vitlaus Gatnamót #3

Hvar eru þau ?

Reykjanesbraut og Álftanesveg (!?!?) (Ekkert tengt Álftanesi heldur "Hraununu" í Hfj.)

Hver er tilgangur þeirra ?

Að hleypa umferð frá Álftanesvegi til Austur/Vesturs inn á Reykjanesbraut og hleypa umferð frá Reykjanesbraut úr sömu áttum inn á Álftanesveg (inn í Hraunin)

Hvað er rangt við þau ?

Umferðarljósin! Nálægð þeirra við Vitlaus Gatnamót #4 (sjá síðar) sem og umferðarljós á einni af stærstu og þyngstu stofnæðum Höfuðborgarsvæðisins gera ekkert annað en að tefja umferðarflæði!

Hvað er til ráða ?

Hér þarf í raun 2 lausnir. Annars vegar að fjarlægja ljósin, og tengja þennan veg við mislægu gatnamótin í við Urriðaholtsbraut (IKEA) og hinsvegar að setja hringtorg.

Af hverju ?

Reykjanesbraut sem var byggð í gegnum Kópavog/Garðabæ/Hafnarfjörð sprakk á fyrsta degi, og loks nú í Ágúst á tvöföldun hennar að ljúka. Þrátt fyrir ýmsa galla í tvöföldun hennar (kem að því seinna), þá eru þessi gatnamót í raun og veru einungis hraðahindrun, og mjög léleg sem slík! 

 

Vitlaus Gatnamót #4

Hvar eru þau ?

Á mótum Hamrabergs og Reykjanesbrautar 

Hver er tilgangur þeirra ?

Hleypa umferð frá Setbergshverfinu inn á Reykjnesbraut til Austur/Vesturs og frá Reykjanesbraut inn í Setbergshverfið frá sömu áttum.

Hvað er vitlaust við þau ?

Nákvæmlega það sama og við Gatnamót #3!

Hvað er til ráða ?

Hér væri kjörið að setja hringtorg, en svipað og með Gatnamót #3 er deginum ljósara að umferðarljósin þurfa að víkja.

Af hverju ?

Líkt og með "Tvíburann" sinn, þá er með ólíkindum að það skuli vera umferðarljós þarna til þess eins að þjónusta aðgengi inn og út úr ekki stærra íbúðarhverfi! 

Klukkaður ?

Er ennþá að átta mig á hvað þetta er, en Dísa klukkaði mig so here goes!

1. Ég hata leti og óheiðarleika!

2. Ég þarf alltaf að spyrja "Af hverju?"

3. Ég horfi frekar lítið á sjónvarp.

4. Uppáhaldsþátturinn er "The Amazing Race"

5. Ég er ástfanginn af náttúru íslands! (Í hófi)

6. Ég verð tæpur á geði á að aka um Stór-Reykjavíkursvæðinu.

7. Líkaminn vaknar snemma, hausinn fyrst á fjórða bolla!

8. Mér finns gaman að hlusta! (Svo lengi sem að fólk hefur eitthvað að segja:P) 

Flóttinn úr blíðunni!

Merkilegt nokk þegar að loks kemur almennilega góð hita og blíðskaparbylgja á Íslandi, þá flýr maður til útlanda!  Og ekki bara til útlanda, heldur beint í rigningu, rok og haglél!!!

Lundúnabúar mega vel vera fúlir yfir veðrinu sem að hefur hrjáð þá, og þá sérstaklega þeir sem að hafa gert sér ferð til að horfa á Wimbledon, þar sem að hver dagurinn af öðrum hefur farið út um þúfur sökum mikillar niðurkomu. Greyið Rafael Nadal var í 5 daga að klára 1 leik!

Hinsvegar sluppu íbúar í höfuðborginni við ógnar-úrhellinn sem að hafa valdið hrikalegum flóðum í Norður-Englandi.

Hvað um það...við feðginin skemmtum okkur konunglega við að geta notað regnhlíf án þess að fjúka í burt eins og Mary Poppins! 

Vélmennið!

Smá útúrdúr frá umferðarvælinu mínu :)

Þar sem að ég er mikill áhugamaður um íþróttir (svona flestar) þá er ekki ónýtt að eitthvað skemmtilegt skuli vera á skjánum þegar að maður er í fríi. Eins og öll önnur ár, þá stendur "All England Championship" í  Tennis yfir núna, eða eins og Englendingar kalla það "The Championships", eða eins og við hin köllum það: "Wimbledon"

Tennis er merkilegt sport. Vanalega tengir maður þetta við frístundaíþrótt hinna ríku, sem að þeir geta dútlað sér við í "fansí" klúbbum. Fyrir þá sem að hinsvegar aldrei hafa prófað, þá get ég með sanni sagt að ég hafi aldrei prófað eins krefjandi og erfiða íþrótt! Ekki bara þarf maður að vera í fantaformi, heldur krefst hún ótrúlegrar tækni og samhæfingar.

Síðustu (seinustu?) 4 ár hefur einn og sami maðurinn unnið Wimbledon (og er vel á veg að eigna sér 2 af hinum 3 stórmótunum) og að sjálfsögðu er sá maður Roger Federer. Hans eini veikleiki sem Tennisspilari, er að hann er ekki búinn að ná fullkomnun á leirvöllum. Engu að síður er hann búinn að vera í úrslitum Franska Opna 2 ár í röð, sem er eina stórmótið sem að hann hefur ekki unnið.

Að öðrum ólöstuðum held ég að Roger Federer eigi eftir að verða skráður í sögubækurnar sem besti Tennisspilari allra tíma. Hann er því sem næst næst-bestur á leir, allra bestur á grasi, og líklegast sá besti á gervi.

Í fljótu bragði man ég einungis eftir einum spilara sem að hafði jafnmikla yfirburði í íþróttinni, og var það Björn Borg. BB tók sig hinsvegar til og hætti mjög óvænt á hátindi ferils síns, einungis 25 ára gamall, þegar að honum mistókst að vinna Wimbledon 6 árið í röð. (Tapaði fyrir John McEnroe í úrslitum)

Federer á einmitt möguleika í ár að vinna Wimbledon í 5 skipti í röð og jafna met BB. Hann er einnig 25 ára líkt og BB var. Nema hvað að Federer er enn að bæta leik sinn og verður betri með hverju árinu sem að líður!

Ef maður hefur áhuga á Tennis, þá er hrein unun að sjá hvað Federer tekst að láta íþróttina líta út fyrir að vera einfalda! Hann svitnar ekki einu sinni á meðan hann sópar andstæðingunum inn í búningsklefa.

Björn Borg hafði þetta um Roger Federer að segja:

"Hann er sannkallður listamaður á grasvellinum. Það á enginn svar við honum, og það að einhver gæti unnið leik á móti honum í 5 settum á Wimbledon er ómögulegt!"