Vonska mannskepnunar!

Ég var virkilega sleginn þegar að ég las um þetta um helgina, og ég er gáttaður á því að einhverjir geti lagst svo lágt að gera þetta.

Nógu slæmt er að vera óheiðarlegur, en að leggjast svona lágt ?

Hvað er ég að tala um?

Sjáðu þessa frétt.

Það væri nú gaman að sjá bloggheima loga smá yfir þessu, og svæla út viðkomandi!

p.s. Það má alveg senda þetta maili líka ;)

Allt að fara til fjandans í Bretlandi!

Ég var að horfa á fréttirnar á BBC & ITV í gær og þetta var aðalfréttaefnið hjá þeim báðum. Í Bretlandi (Þar sem að vextir eru um 5 %) er tekið í bremsuna og hlutirnir teknir alvarlega þegar að verðbólga er kominn í 3,3% og GÆTI farið í 4%. Fjármálaráðherra þurfti að gjöra svo vel að svara því hvaða aðgerða ríkisstjórnin ætlaði að taka til.

Hér heima? Ríkisstjórnin þegir, vextir 15,5 % (næst-hæstu í heimi) og verðbólga 12% og MUN fara í 14%.

Ríkisstjórnin þegir.

(Hvað getur hún annað? Þeir hafa ekki hugmynd um hvað þeir eigi að gera!)

Verðbólga vekur áhyggjur í Bretlandi

Áhugavert og spennandi !

Í öllu hamfara og kreppu fréttaflóðinu upp á síðkastið, náði ein lítil frétt að lauma sér inn á milli sem að ég tel að komi til með að "draga dilk á eftir sér" og ráða miklu um hvernig ég sem dæmi lít á BNA.

Frétt þessa má finna hérna

Hæstiréttur Kaliforníuríkis samþykkti í gær semsé að heimila hjónabönd samkynhneigðra. (Það að samkynhneigðir skuli enn þurfa að berjast fyrir lágmarksmannréttindum og að leyfi þurfi til að gifta sig er allt önnur umræða)

Það sem að gerir þetta sérstaklega áhugavert er að Kalifornía telur 38 af 302 milljónum BNA-búa og oftar en ekki fylgir þjóðin fordæmi þeirra, enda er Kalifornía mikilvægasta fylki BNA sökum stærðar sinnar og efnahagslegs krafts.

Hinsvegar eru andstæðingar þessa strax farnir að tala um að samfara forsetakosningunum í haust verði kosið um breytingu þess efnis á stjórnarskrá Kaliforníu, að banna giftingu samkynhneigðra. (aftur!)

Í öllu þessu máli eru ótrúlega margar hlilðar sem að mínu mati sem að ég tel að móti framtíðarsýn mína á BNA.

S.d. fannst mér einstaklega gott af fylkisstjóranum að koma fram og segja að rétturinn hafi talað og hann muni verja þá ákvörðun hans, og jafnframt ekki styðja kosningu um breytingu þess efnis. Að mínu mati sýnir þetta afstöðu hans til þess að virða lagakerfið og ferlið, og að meira segja hann sé ekki hafinn yfir lögin. (Eins  og alkunna er, er nafni minn jú harður Repúblikani og þeir eru ekki þekktir fyrir að sýna þessu málefni mikinn stuðning)

Ég vona heitt og innilega að íbúar Kaliforníuríkis fjölmenni að kjörkassanum og geri það sem að ég tel vera það eina rétta í stöðunni frá mínu sjónarmiði: Hafna breytingunni sem að bannar venjulegu fólki sem að elska hvort annað að gifta sig, á grundvelli kynhneigðar.

Geri Kalifornía það, er næsta víst að velflest ríki BNA muni feta hratt í fótsporin og heimila samkynhneigðum þessi lágmarks-mannréttindi.

Þá loks geta þeir sagt að þeir séu "Land of the free and the home of the brave" (eða svona næstum því..)

Þakklæti :)

Ástin mín eina hefur "klukkað" mig og þá er það minn túr að skrifa niður 7 hluti sem að ég er þakklátur fyrir :)

Ég gæti líklegast skrifað endalaust niður, en hér eru 7:

Ég er þakklátur fyrir ástin mína einu, konuna mína Ruth!
Ég er þakklátur fyrir fjölskylduna mína!
Ég er þakklátur fyrir vini mína!
Ég er þakklátur fyrir að hafa heilsu og heilan huga!
Ég er þakklátur fyrir að geta um frjálst höfuð strokið!
Ég er þakklátur fyrir landið mitt Ísland!
Ég er þakklátur fyrir að fá tækifæri til að þroskast og dafna (þrátt fyrir að vera miðaldra)

Svo mega aðrir 5 eiga von á klukki!

Frábært nýtt starf!

Ég er semsé búinn að fá nýja frábæra vinnu! Ég er að fara vinna sem framkvæmdastjóri "Tilvonandi nýs miðborgarkjarna sem að ekki er í miðborginni, en langar að keppa við hann"

Fyrir svona lítið viðvik fæ ég alla veganna 2 mills á mánuði (með yfirvinnu sem að ég ekki vinn og nefndarsposlum) enda er miklu erfiðara að byggja upp eitthvað sem að ekki er til, heldur en að fara út á götu með kúst og sópa.

Gallin er bara að Borgarstjóri veit ekkert af því að ég er búinn að ráða mig í þetta! En hei, fyrst að hann þarf ekki að spyrja hvort hann megi ráða, þarf ég þá nokkuð að gera það ?

 

Snilld! Snilld! Snilld!

Eitt orð: Snilld!

Bla bla bla...

Það er nógu slæmt þegar að slepjan lekur af mönnum, en þegar að ég þú (borgarbúar Reykjavíkur) erum að borga þessum mönnum laun er það tífallt verra!

Öll meðferð og meðhöndlun REI-sápunar (og það líka í höndum 100 daga stjórnarinnar) er það skammarlegasta sem að ég hef nokkurn tíma séð í íslenskri pólitík!

Ekki það að íslenskir pólitíkusar hafi vott af siðferðiskennd, enda væri það þversögn í sjálfu sér!

En hvernig er það, fyrst að við kusum þessa menn inn, getum við ekki kosið þá út ?

"The tribe has spoken" (?)

Vill tryggja víðtæka sátt um málefni REI

Stórfrétt!

Þegar þetta er skrifað er þetta efsta fréttin á mbl.is

Ég er alltaf jafn gáttaður á skorti á frumlegheitum og metnaði hjá blaðamönnum nú til dags, sérstaklega þegar að "aðalfréttin" er um skuttogara sem að fékk veiðarfæri í skrúfuna !

Er metnaðurinn virkilega svo lítil og þjóðfélagsmálin svo lítilvæg að þetta telst til fréttaefnis ?

Hvernig væri að skrifa um vanhæfni dómsvalda til að setja glæpi í rétt samhengi og dæma kynferðisofbeldismenn harðar samkvæmt refsiramma ?

Hvernig væri að kalla á öflugri löggæslu til að hinn almenni og skattpíndi borgari geti óhræddur gengið um göturnar ?

Hvernig væri að skrifa um hroka stjórnvalda í garð almennings og siðleysi stjórnmálamanna ?

Hvernig væri að þjarma að Seðlabankanum fyrir vanhæfni þeirra til að halda verðbólgu niðri ?

Hvernig væri að gagnrýna heilbrigðisyfrivöld fyrir að standa fyrir einu verst rekna heilbrigðiskerfi í heimi ?

Hvernig væri að tala um spillingu og eiginhagsmunasemi stjórnmálamanna ?

Neeei...skrifum frekar um veiðarfæri í skrúfu !

Fékk veiðarfæri í skrúfuna

Hver ekur eins og ljón...?

...með aðra hönd á stýri ?

Bjössi á Löggubílnum, Bjössi á löggubílnum, hann Bjössi bullukoll [ur]

 

Hver vill veðja á að allt í einu verði kominn her á Íslandi undir nafninu "varnarlið" eða "öryggissveit"...

Lögreglustjóri á Suðurnesjum sagði upp

Kristileg tímaskekkja.

Í nútíma þjóðfélagi eins og Íslandi er það furðulegt að þrátt fyrir "trúfrelsi" á Íslandi, er Íslenska þjóðkirkjan samtvinnuð hinu Íslenska ríki.

Gott og vel er hægt að segja sig úr þjóðkirkjunni, en það er ekki hægt að kalla það trúfrelsi að ríkið hygli einni trúargrein og einni kirkju meira en annari.

Það er löngu kominn tími á aðskilnað ríkis og kirkju, sem og afnám sérstakra "kirkjufrídaga" (s.b. Föstudaginn Langa o.s.frv.)

Ég er ekki að segja að þessir dagar megi ekki vera frídagar, en það er úrelt að þeir séu frídagar í skjóli einnar trúar. Allir eiga að eiga þessa daga sem frídaga, óháð trú.